مين ح يحل معانا - في مناهج النوعي

عدد الرسائل : 150 تاريخ التسجيل : 14/01/2009

سؤال بيتكرر

إختر نموذج إرشاديا في التدريس / التعلم Teaching / gearning Paradigm

ثم اقترح من خلاله تصورا لتصميم بحث حول جودة Quality التدريس في مجال تخصصك

ممكن حد يجاوب السؤال ده بايضاح بسرعه لو ممكن ولكم التحيه

السلام عليكم ورحمة الله وبركاتة

بالنسبة لاجابة السؤال ؟ انا هحاول اجاوب الى انا عرفاة ويارب يكون صح .

النموذج الارشادى المقصود به نموذج من النموذجين الموجودين فى الكتاب صفحة 18 و 19 " النموذج العلمى والنموذج الطبيعى "
المفروض نختار منهم واحد ونشرحة
وبالنسبة لتصميم بحث حول جودة التدريس فى مجال التخصص .

جودة التدريس موجودة فى الكتاب صفحة 30 و 31 نشرحة ونحول الاسئلة الموجودة فية لتخصص كل قسم ؟

"انا قولت الى انا فهماة ومش عارفة والله ان كان صح ولا غلط "

عدد الرسائل : 94 تاريخ التسجيل : 21/12/2008

دا تصور بسيط منى للاجابة على السوال مش عارفة هيكون صح ولا غلط

لكي نقوم بتصميم نموذج إرشادي في التدريس لابد أن تكون لدنيا إستراتيجية واضحة تتوفر فيها عناصر أربعة وهي :

1 – الإطار المفاهيمي الواضح .

2 – قيسا صادق.

3 – تصميم بحث .

4 – إجراءات تحليلية

ويعتبر الإطار المفاهيمي هو أساس استراتيجية البحث والذي يقوم بتحديد المقصود بالتدريس الجيد والنماذج الإرشادية (
بارديم ) ، ويشمل الإطار المفاهيمي علي ثلاث نماذج إرشادية هي :

1 – مفهوم التدريس ( النظرية ) .

2 – مهنة التدريس ( الممارسة ) .

3 – جودة التدريس ( الفعالية ) .

ويعرف تومس كون النموذج الإرشادي بأنه : رؤية معينة تشمل مجموعة المعتقدات والقيم والاتجاهات والممارسات .

وحتي يكون النموذج فعال لدرجة كبيرة نختار النموذج الطبيعي والذي يعتمد علي النظرية البنائية ومبدأ الإحتمالية في العلم . وعليه فإن التدريس ظاهرة معقدة لا تخضع للعلاقة الخطية المباشرة بين المعلم والتلميذ ، والتركيز فيها ليس علي مخرجات التعلم ، بل علي المتعلم من خلال نشاطة ، وذلك نظراً لأن جميع مخرجات التعلم غير معروفة
فالتخطيط المسبق للتدريس ليس قوالب نهائية جامدة .

ويمكن أن نبحث في عملية التدريس من خلال دراسة العلاقة بين مخرجات التعلم ونشاط المتعلم A,B ويطلق علي هذا النوع " البحث في فصول التعلم " والمعرفة الناتجة من بحث هذه الارتباطات مفيدة واساسية للنشاط القبلي للتدريس ولتخطيط خبرات التعلم الخاصة بالتلاميذ التي تسهم في تعظيم مخرجات التعلم .

وتنعكس الرؤية السابقة داخل الصف الدراسي من خلال :

* الأهداف غير النهائية . * التركيز علي تعلم المفاهيم وحل المشكلات .

* نشاط المتعلم وإيجابيتة . * دور اللغة والحوار لتوليد المعرفة .

* منهج مرتبط بحياة التلاميذ . * تدريس تأملي يتميز بالمرونة .

* تعزيز داخلي . * تأكيد أهمية علاقة المتعلم داخل الصف .

ولكي نحكم علي جودة التدريس من خلال آدوات القياس مختلفة مثل ( الملاحظة – والمقابلة – والاستبانات - ........ ) .

وعند عرض المادة التعليمية ينبغي التنوع في عرضها واستخدام الطرق المختلفة كإسلوب حل المشكلات والتعليم التعاوني
والاكتشاف الموجه .

أما المعلم فدوره مهم وفعال في تسهيل المادة وتوجيه الطلاب وحثهم علي التفاعل والايجابية وتخطيط النشاط وكذلك الإرشاد .

كما تتعدد أدوار المتعلم البنائي لتشمل كل من :

1 – المتعلم النشط The active learning : وهو يقوم بدور نشط في عملية التعلم ، حيث يقوم بالمناقشة والجدل وفرض الفروض أي أن الدور النشط للمتعلم يتمثل في الاكتساب النشط للمعرفة وفهمها .

2 – المتعلم الإجتماعي The social learning : أي أن الدور الاجتماعي للمتعلم يتمثل في اكتساب المعرفة ، وفهمها بصورة اجتماعية .

3 – المتعلم المبتكر The creative : تؤكد البنائية علي ضرورة أن يكتشف الطلاب أو يعيدوا اكتشاف المعرفة بأنفسهم ، فلا تكتف البنائة بجعل الطلاب نشطين في عملية التعلم بل لابد وأن يوجه الطلاب لإعادة اكتشاف النظريات العملية .

وفي النهاية لكي نحقق الجودة في التدريس يجب مراعات ما يلي :

1 – التأكيد علي التعلم ، وليس علي التدريس Teaching .

2 – تشجيع وقبول ذاتية المتعلم ومبادراته .

3 – النظر إلي المتعلمين علي أنهم أصحاب إدارة .

4 – التفكير والنظر في التعلم علي أنه عملية .

5 – أخذ النموذج العقلي للمتعلم في الاعتبار .

6 – التأكيد علي الآداء Performances والفهم عند تقيم التعلم .

7 – دمج المتعلمين في مواقف تعلم حقيقة .

8 – أخذ معتقدات Beliefs واتجاهات attitudes .

9 – المعلم البنائي يقبل ذاتية المتعلم ومبادراته .

10 – المعلم البنائي معلم ومتعلم .

عدد الرسائل : 99 تاريخ التسجيل : 08/09/2008

السؤال ده مهم جدا جدا جدا
فى آخر محاضرة مكانش راضى يحلة
و لما ضغطنا علية قال إن فى واحد حل السؤال و عرضه علية و كان حله صح
الواحد ده مين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الأستاذ هشام

فإحنا نرجو من الأستاذ هشام يوضح لنا الحل
معلش يا أستاذ هشام إستحملنا تأخذ فينا ثواب
ربنا يبارك فيك و يحققلك كل ما تتمناه فى الدنيا و الآخرة

عدد الرسائل : 128 تاريخ التسجيل : 10/09/2008

والدكتور قال في اخر محاضره انه حيغير صيغه السؤال بس حيجبه بطريقه ثانيه

يعني مهههههههههههههههههههههههههههم

وربنا يكرمنا ونعرف الاجابه

السلام عليكم جميعا

بالفعل أنا لما جيت أحل ال Sheets بتاع مناهج البحث لقيت السؤال ده وأعدت محتار فيه وأعدت أفكر وقت طويل ، ولما جيت أحاول أخمن حله بقيت أتخيل شكل دكتور نبيل وأسلوبه في محاضراته وكلامه ووجهة نظره ومن خلال التخيلات دي وكمان من كتابه ومن النت خمنت تصور مقترح للحل وأول ما المحاضرة قبل الأخيرة ما خلصت جريت وراه لقيت ناس بيكلموه استنيت وفضلت مصمم إني أسأله وقولت والله ما أنا سايبك النهارده غير لما تفهمني ، ولما سألته قالي ما تيلا قولتله يلا ايه قالي يلا جاوب . يعني رايح أساله وأنا اللي جاوبت وقالي السؤال ده كنت بجيبه علشان أشوف اللي فاهم من اللي حافظ ، ولما سألني قالي ها هتختار نموذج إرشادي ايه رديت قولتله الطبيعي Nontechnical Paradigm لانه بيستند على مبدا السببية الاحتمالية والنظرية البنائية وفيه بيكون التدريس ظاهرة معقدة غير خطية وبتركز على المتعلم ونشاطه والمنهج بيكون بناء سياقي متطور وفقا لحاجات كل بيئة وكمان بيستند على أعمال جان بياجيه

ساعتها قالي تمااااااام انتا جبت الكلام ده منين قولتله من كتاب حضرتك ومن النت قالي طيب ومقتنع بالكلام ده قولتله أكيد بس في مشكلة قالي ايه قولتله إن التدريس حسب النموذج ده مكلف جداااااااا لإنه بيخلي التعليم فردي وده مش مناسب لحد دلوقتي عندنا في مصر بعد كده سألني وقالي طيب ايه هي متغيراتك قولتله أي متغيرات بتربط بين المخرجات النهائية وبين أي شيئ بيحصل داخل الكلاس رووم لإن مينفعش الجودة تكون خارج الكلاس رووم سواء كان فزيائي أو افتراضي ولإن جودة التدريس تهتم بالمدخلات والعمليات والسياق وتأتي نتيجة جهد ذكي لإنتاج متعلم مستقل حر ، يعني مثلا A , B أو A , C ساعتها قالي انتا جبت الكلام ده منين من الناس بتوع السنة اللي فاتت ولا منين قولتله أبدا أنا قريت كتابك وعملت سيرش على النت علشان أفهم أكثر قالي ساعتها لو ده صحيح وكنت مش كذاب يبقى انتا مبتكر قولت أخيرا دكتور نبيل عجبه حد وقال عليه مبتكر مش مهم أكون أنا لكن المهم أنه غير رأيه فينا

على العموم أستاذه مروة اللي اقترحته كويس أوي أنا إن شاء الله هدمجه مع اللي أنا أقترحته ولما اخلصه هابعته

عدد الرسائل : 99 تاريخ التسجيل : 08/09/2008

جزاك الله خيرا أستاذ هشام على إهتمامك وردك
ربنا يعينك و يوفقك و يحعلك دائما من المبتكرين
و يبعد عنك الناس إللى بيحطموا الإبتكار و طول السنة عمال يشتم فينا و عاملنا بؤساء بؤساء بؤساء

عدد الرسائل : 364 تاريخ التسجيل : 15/12/2008

شكرا ياهشام على التوضيح وزى مابتقول مدام غادة ربنا يجعلك ديما من المبتكرين Very Happy

ربنا يوفقك بجد يا هشام ع فد ما انت بتقول كل حاجه تعرفها وعاوزنا نستفيد ومش بتبخل ع حد بمعلومه ولا باجابه ممكن تنفع الواحد انه يحل بيها ودايما يا رب في ابتكار وابدااااااااااااع بس احلى حاجه انك رايح تسأله يقولك ما تيلا جاوب دي

عدد الرسائل : 128 تاريخ التسجيل : 10/09/2008

ان شاء الله ربنا يوفق الجميع
واجابه السؤال تترتب بسرعه عشان نققرأها كويس

اين اجابة السؤال خلاص يا جماعة الامتحان يوم السبت
معلش يا استاذ هشام احنا متقلين على حضرتك ربنا يجازيك كل خير ان شاء الله

عدد الرسائل : 143 تاريخ التسجيل : 09/09/2008

جزاكم الله خيرا يا جماعة مروة جزاكى الله كل خير وشافاكى الله وعافاكى وتقدرى تكملى معانا الامتحانات .. استاذ هشام مش لاقيين اى كلمة نقولها لحضرتك مشكوووووور دى بقت مملة جداوقليلة جدا ربنا يوفقك ودايما فى نجاح وتقدم وابتكار وابداع وعلى رأى استاذة غادة ربنا يبعد عنك اعداااااااااء الأبتكار .. جزاك الله كلب خير وربنا يجعله فى ميزان حسناتك

عدد الرسائل : 23 تاريخ التسجيل : 21/02/2009

فين اجابة السؤال ؟؟؟؟؟؟؟؟؟؟؟؟؟؟؟؟؟؟ Exclamation

عدد الرسائل : 150 تاريخ التسجيل : 14/01/2009

سلمي الاجابة في رد هشام خلي بالك