امتحان للدكتور الفار

السلام عليكم
ازيك استاذة مروة
بجد ألف سلامة ليكي
الزملاء وأعضاء المنتدى وكمان المنتدى بيتمنولك الشفاء العاجل
------------------------------------------
كان بس عندي سؤال محيرني لو مش هيزعجك ممكن تجاوبي عليه
هل الامتحان ده اللي حضرتك عرضتيه هو امتحان فعلي بنفس الأسئلة لدكتور إبراهيم ولا في أسئلة اتغيرت ، ولو هو امتحان فعلي ممكن أعرف هو امتحان سنة كام ودور أول ولا تاني
ولو كان امتحان فعلي فالمطلوب الأخير ( الخامس ) بيقول أفضل الأساليب الإحصائية لتصنيف بنود مقياس الخلفية العلمية إلى أبعاد وكذلك الأسلوب المعرفي . فهل المتغيرات التصنيفية التي لا يمكن معالجتها ولا يمكن قياسها لإنها غير متصلة نستخدم لها مقياس لقياسها مثل مقياس الخلفية العلمية ومقياس الأسلوب المعرفي ؟
ده ممكن في حالة واحدة وهي لو لغينا تصنيفاتها وخليناها متغير تابع في العنوان . والعنوان المعطي هي مكتوبه فيه على إنها متغيرات تصنيفية مش تابعة . يعني مينفعش نحدد لها أداة علشان نقيسها بيها زي المقياس لإن ده للمتغيرات التابعة فقط
والله أعلم

هو الأساليب الإحصائية لتصنيف بنود مقياس يعنى إيه ؟؟؟
لو كان المطلوب هو إننا هنقسمها إلى إختيارت تبعا لمقياس ليكرت
يبقى كده مفيش مشكلة
و بالتالى تكون نتيجة إستخدام المقياس هو تصنيف الخلفية إلى ( عالى - متوسط - منخفض ) مثلا
و الإسلوب المعرفى إلى ( معتمد - غير معتمد ) مثلا
ولما نيجى نقسم العينة للتصنيفات دى هنقسمهم إزاى يبقى إحنا لازم نستخدم مقاييس علشان نحدد كل واحد خلفيته إيه و مقياس تانى علشان نحدد كل واحد إسلوبه المعرفى إيه و بعد كده نكون المجموعات
النقطة بتاعت ((الإسلوب الإحصائى لتصنيف بنود مقياس ))مش واضحة عندى خالص يعنى نقول إيه ؟؟؟؟؟؟؟؟؟؟

جزاكى الله خيرا يا مروى على تفتيحك فى الأسئلة و ألف سلامة عليكى شفاك الله و عافاك
وجزاك الله خيرا أستاذ هشام على مناقشتك للجزء ده

مش مهم الامتحان ولا اى حاجه
الف سلامه عليكي يا مروه
مالك يا قمر
اول مره اعرف انك تعبانه دلوقت

بجد ياجماعة متشكرة على كلامكم الجميل دا بس انا بجد محتاجة دعواتكم علشان اعدى الايام دى واعرف ادخل الامتحان بالنسبة لسوال الاستاذ هشام دا فعلا امتحان تقريبا 2006 لان الورقة الى معايا مش ظاهر اوى واخر حاجة خظا فى الكتابة لانة مش انا الى كتبت دا اخويا الضغير فدى غلطة مطبعية ياجماعة

جزاكى الله كل خير يا مروة وشفاكى الله وعافاكى يا جماعة كلكم ادعوا لمروة بالشفاء حصلت لها حادثة وايدها اليمين فيها مشكلة ادعوا لها كلكم بالشفاء والعافية وان شاء الله كلنا ننتهى من الامتحانات على خير

السلام عليكم
لكم الدعاء بالشفاء العاجل وإن شاء الله طهور
ابدأ الاجابة
المتغيرات
1- المستقل : موقع تعليمى على صفحات الويب
2- التابع : * التحصيل
* الاتجاة
3- التصنيفية : * الخلفية العلمية
* الأسلوب المعرفى
* القدرة الابتكارية

المتغير المستقل : هو الذي يغير أو يؤثر في متغير أخر والذي تقوم عليه معالجة البحث

المتغير التابــــع : هو المتغير الذي يتم قياس تغيره والذي نلاحظ عليه أثر المتغير المستقل

المتغير المستقل والتابع هما اللذين يحكما موضوع البحث وفكرته
المتغير التصنيفي : هو يعتبر متغير مستقل لتصنيف المفهوم في فئات وهي لها أثر علي الدراسة ولكن ليس تتم عليها معالحة البحث الأساسي ولكن توضع في الأعتبار لضبط المعالجة الأصلية للبحث

الف سلامه عليكى يامروة وان شاء الله تقومى بالسلامه انا لسه عارفه حالا ان شاء الله ربنا يشفيكى وتعدى الامتحانات ع خير