أصدقاء للأبد

ان شاء الله يا جماعه صداقتنا مش هتنتهى لحد الدراسه وبس والا ده مش يكون صداقه تبقى مجرد دراسه وخلاص وعلى ما اعتقد ان الحمد الله ما فيش دفعه كانت زينا كده ولا هيكون وطبعا استاذ هشام كلمه شكر شويه عليك لكل الى بتعمله مع الدفعه كلها وعلى المنتدى الجميل ده وده مش مجرد منتدى وخلاص وبقينا نعتبره زى بيتنا بيجمع الدفعه كلها وربنا يوفق الجميع ان شاء الله

هشام
ربنا يخليك ويصلح حالك و يسترك ويوفقك ويكون من نصيبك الخير طول العمر
شكل وظيفتي بعد الضهر انا وعبير ح تطلع دلوقتي بس انت مش تستاهل منى الا انى ادعيلك بكل حاجه حلوه وانت تستاهلها واللى اكتر منها كمان
انت جدع وراجل ومحترم وذوق وكل حاجه كفايه مجهودك طول السنه وشغلك وتعبك واللى ان شاء الله ح يجي بفايده

عبير
انا بحبك اوى وعمري ما ح اقدر اعوضك ابدا لانى مافيش من العمر كمان السنين دى كلها اللى ح اعرف الاقي حد احسه زى اختى كل ده ومش ح الاقي حد اتعامل معاه بالتلقائيه اللى بتعامل معاكى بيها ده احنا يا بنتي بناكل ونشرب وننام ونصلي ونذاكر ونخرج ونرجع ونسافر ون ون ون سوا مش ح اعرف كده مع حد تانى

هبه والفت
كنا زمايل من السنه اللى فاتت
بس للاسف ما بقيناش اصدقاء اوي الا فالفتره الاخير بس ربنا اللى يعلم انا بحبكم قد ايه وان شاء الله ح نفضل اصحاب ع طول وربنا يوفقكم ويصلح حالكم تستاهلوا كل خير

مستر عبد الله و استاذ اسامه واستاذ خالد و كل الناس الكبيره اللى فالدفعه
ربنا يوقكم جميعا ربنا يخليكم ليه دايما يا رب ونفرح باولادكم يا رب

مدام غاده وابله زيبنب وابله سهير
في مواقف جدعه كتير منكم معايا ربنا يوفقكم يا رب وتنولوا كل اللى فبالكم ويا ابله سهير ربنا يشفي والد حضرتك و ربنا يوفقك فالدور التانى ويعوضك خير

ناس تانيه حبايبي جدااااااااا
مروه ربيع و اروى و وفاء و شيماء السامولى وولاء ومحمد عيد ومحمد ابو زيد وهناء اللى مش عارفه راحت فين من يوم ما اتخطبت وهناء شبكه وسامياااااااا ههههههههه واسماء وامانى حبيبتى بجد والله بحبكم جدا وربنا يخليكوا ليه

كل الناس اللى معانا انا بحبها واللى نسيته ما يزعلش منى انا لسه صاحيه من النوم بس والله بحبكم جميعا ربنا يوفقنا يا رب ويصلح حالنا ويعوضنا خير عن اى تعب واى حاجه مزعلانا فحياتا ان بعد العسر يسر

الناس بقي اللى اتصاحبت عليهم مؤخرا
هناء ونور الكويت
شكلنا ح نبقي اصحاب ان شاء الله
ربنا يوفقكم وترجعوا الكويت مبسوطين وناجحين وفرحانيين باذن الله
ونفضل اصحاب ان شاء الله سواء اتقابلنا او هنا ع المنتدى

اااااااااااااه
نسيت حاجه مهمه جدا جدا

نسيت اقولكم انى بحب دكتور سعاد جدا وبحس انها حاجه غاليه عليا بجد والله
وكمان دكتور سعد امام اكتر دكتور اثر فيا السنه اللى فاتت و اتعلمت منه ازاى اكون واثقه في نفسي وعارفه اتكلم
دكتور كمونه حبيب الشعب بحسه بابايا خايف عليا وعاوزنا ننجح وطيب اوى اوى ربنا يديله الصحه ويخليهولنا
دكتور الفار استفادت منه حاجات كتير اوى وفهمت منه حاجات كتييييييييير جدا ربنا يقويه ويعجبه حال مصر شويه يا اما يغير فيها زى ما هوه عاوز
مش فاكره اى حد تاني
لان ماحدش كنت بتعلم منه حاجه غير دول
ربنا يستر وناخد ع قد تعبنا ده كله
ويهديهم لنا اااااااااامين

وانا كماان بحبك اووووووووووى ياصفا ولسه قيلاك انى مش هقدر استغنه عنك او استحمل شعور اننا نبعد عن بعض بس انتى طمنتنى او ع الاقل حاولتى تطمننى بس انا بقولهالك تانى اهه صداقتنا دى ان شاء الله لازم تدوم حتى لو بعدنا ف المكان لكن لازم نعرف اخبار بعض باستمرار وده التحدى الحقيقى اللى هنقابله وهيثبت لنا احنا اصحاب بجد لاننا عيزين كدا ولا لان الدراسه هى اللى فضلت مقربنا لبعض الست سنين ومش انفصلنا زى بقيه الشله بعد 4 سنين الكليه وبقولهالك تانى لانى انا حساه اوى دلوقتى انتى اختى التوائم اللى بنكمل بعض قريبين من بعض ف حاجات كتير بتخلينا نفهم بعض وبنحب بعض ومختلفين فحاجات تانيه بس هى دى اللى بتخلينا نكمل بعض ونحتاج لبعض والباقى بقا هقولهولك ع الميل علشان اخد راحتى

اه ياصفا ودليل ع اننا بنكمل بعض وبنفكر بعض احب افكر انك نسيتى دكتور عبدالمنعم محى لانه برضو من اكتر الدكاترة اللى مروا عليا ف احترامهم لمواعدهم والنظام وليه اسلوب ف الشرح جميل جدا وفكرة اننا نشارك ف المحاضرة ولو بجزء صغير عجبتنى جدا لانها وحده وحده ومع تكرارها بتدى للانسان ثقه ف النفس بس ع العموم انتى مش يومك وانتى نسيه اسمه وفضحتينا ف المحاضرة اعمل فيكى ايه اكلك ولا ايه علشان اطمن انك هتفضل جوايا علطول ربنا يخلينا لبعض ويخلينا كل الناس اللى بنحبهم وعزاز علينا يااااااااااااارب

والله بجد انا حسه انى كسبت حاجات كتير اوى من الدبلومه ديه اتعلمت ان الواحد يفكر يساعد ومش يفكر فى المقابل ازى نحب بعض بجد والله انا بحبكم جدا بالرغم انها كانت فتره قصيره لكن انا حسه ان عمرى ما هقبل ناس لذيذه اوى كده ويارب يوفقكم فى دراستك وحياتك الى جايه واتمنى نفضل اصدقاء مش تبه حكاية دبلومه وبس

اه فعلا يا عبير مش عارفه ليه دايما انسي اسم دكتور عبد المنعم وبنساه دايما مش عارفه ليه مع ان الدكتور ده انا بحترمه جدا جدا
ربنا يديله الصحه ويزيد من علمه كمان وكمان وياااااااا رب ييدينا درجات حلوه ان شاء الله

جزاكم الله خيرا استاذ هشام على الفكرة دى لان بجد انا حسيت انى انا اكتسبت كتير من الدبلومة دى مش زمايل لا اخوات واخوة حسيت بحبهم ليا وخوفهم عليا خاصة وقت الامتحان والتعب ربنا يارب يديم الصدق والوفاء والحب والمودة وكل الحاجات الجميلة بينا ويارب نفضل كدا دايما

جزاكم الله خيرا جميعا ع المشاركات الجميلة دى وطبعا استاذ هشام مشكووووور وجزاك الله خيرا كلمات قصيرة وقليلة ولا توفيك حقك ومللنا من تكرارها بس مش عارفين نقول ايه ربنا يكرمك ويوفقك ويصلح حالك وتنال كل ما تريده بصراحة المنتدى ده فرق معانا جامد وفكرة اصدقاء للأبد دى فكرة جميلة للتشارك على طول ان شاء الله حتى للناس اللى مش ها تكمل يارب نكون نفس الروح دى على طول ودايما يكون فيه مشاركات فى كل المناسبات ولو بكلمات قصيرة ولو اى حد عنده فكرة او معلومة يطرحها ع الكل ... وطبعا عمرى ما ها انسى استاذة غادة بمشاركاتها واهتمامها وعلمها اروى ضيفتنا العزيزة اللى عاوزين نترك انطباع حلو عن مصر معاها مروة بهدوئها الجميل وربنا يشفيها يارب .. صفا حبيبة قلبى العسولة .. عبير الشقية الصغنونة ... هبة بتلقائيتها ومساعدتها .. الفت وسرعتها وانطلاقها الجامد .. استاذة سهير برغم طول فترتها معانا بس خدومة جدا ربنا يشفى والدها يا رب .. ولاء وامانى وشيماء جروب واحد وتعاون جميل .. عبير سرور وهدوئها الرائع .. امل وتسرعها .. وفاء ومشاركاتها الأخيرة ..استاذ خالد واستاذ عبدالله واستاذ اسامة ومشاركاتهم .. خايفة انسى حد بس حاسة ان دول اللى فى ذهنى دلوقتى .. طبعا ما نقدرش ننسى من الماجستر استاذ ياسر واستاذ احمد واستاذة امل وتعاونهم معانا ..
اما الأستاذة الدكاترة فى منهم كتير مؤثرين بدرجة عالية جدا بالأيجاب وبطريقة طردية والناس دى باعتبرها متصالحة مع ذاتها بتحب الخير للجميع متعاونة مع نفسها تخدم العملية التعليمية عارفة واجباتها والتزاماتها وهما عارفين نفسهم ومش محتاجين نفاق من حد .. اما السادة الدكاترة اللى اثروا فينا بالسلب وبطريقة عكسية باعتبرهم غير متصالحين مع ذاتهم بيكرهوا حتى نفسهم فأزاى يقدروا يحبونا وهما بيكرهوا نفسهم يا ترى عارفين واجباتهم بقدر ما عارفين حقوقهم؟؟؟؟؟؟؟؟؟؟؟؟ يا ترى عارفين مسئولياتهم المادية والمعنوية ناحيتنا ؟؟؟؟؟؟؟؟؟؟؟؟؟؟؟؟؟ يا ترى عارفين ربنا ها يحاسبهم ع الأمانة العلمية فى نقل المعلومة ؟؟؟؟؟؟؟يا ترى .....؟؟؟؟؟؟؟؟ يا ترى......؟؟؟؟؟ يا ترى....؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ربنا يعافينا جميعا يارب احنا برضه مدرسين وخايفين حد فينا يكون كده ربنا يستر ونصلح من نفسنا قبل فوات الاوان اللهم امين .......
المهم ان احسن حاجة فى سنتين الدبلومة دى اننا اتعرفنا كلنا على بعض ويارب نفضل اصدقاء للأبد بدون اى اغراض ناخد بأدين بعض فى الازمات ونفرح لبعض فى الافراح وصدقونى كلنا بنحب الخير لبعض ومش فارق خالص موضوع النتيجة مين الأول ومين الاخير المهم اننا نتمنى لبعض الخير وكل واحد يحب الخير لأخوه زى ما بيحبه لنفسه يا رب نفضل كده دايما يا رب...

المزارع والحصان






وقع حصان أحد المزارعين في بئر مياه عميقة ولكنها جافةوأجهش الحيوان بالبكاء الشديد من الألم من أثر السقوطواستمر هكذا عدة ساعاتكان المزارع خلالها يبحث الموقف ويفكر كيف يستعيد الحصان؟
ولم يستغرق الأمر طويلاً كي يقنع نفسه بأن الحصان قد أصبح عجوزاً وأن تكلفة استخراجه تقترب من تكلفة شراء حصان آخر هذا إلى جانب أن البئر جافة منذ زمن طويل وتحتاج إلى ردمها بأي شكل. وهكذا نادى المزارع جيرانه وطلب منهم مساعدته في ردم البئر كي يحل مشكلتين في آن واحد، التخلص من البئر الجاف ودفن الحصانوبدأ الجميع بالمعاول والجواريف في جمع الأتربة والنفايات وإلقائها في البئرافي بادئ الأمر، أدرك الحصان حقيقة ما يجري حيث أخذ في الصهيل بصوت عال يملؤه الألم وطلب النجدة وبعد قليل من الوقت اندهش الجميع لانقطاع صوت الحصان فجأةوبعد عدد قليل من الجواريف، نظر المزارع إلى داخل البئر وقد صعق لمارآه فقد وجد الحصان مشغولاً بهز ظهره فكلما سقطت عليه الأتربة يرميها بدوره على الأرض ويرتفع هو بمقدار خطوة واحدة لأعلى وهكذا استمر الحال الكل يلقي الأوساخ إلى داخل البئر فتقع على ظهر الحصان فيهز ظهره فتسقط على الأرض حيث يرتفع خطوة بخطوة إلى أعلى وبعد الفترة اللازمة لملء البئر اقترب الحصان للاعلى و قفز قفزة بسيطة وصل بها إلى خارج البئربسلام
كذلك الحياة تلقي بأوجاعها وأثقالها عليككلما حاولت أن تنسى همومك فهي لن تنساكوسوف تواصل إلقاء نفسهاوكل مشكلة تواجهك في الحياة هي حفنة تراب يجب أن تنفضهاعن ظهرك حتى تتغلب عليها وترتفع بذلك خطوة للأعلى
انفض جانبا وخذ خطوة فوقه
لتجد نفسك يوما على القمةلا تتوقف ولا تستسلم أبدا مهما شعرت أن الآخرين يريدون دفنك حيااجعل قلبك خالياً من الهموم
اجعل عقلك خالياً من القلق
عش حياتك ببساطة
أكثر من العطاء وتوقع المصاعب
توقع أن تأخذ القليل
توكل على الله واطمئن لعدالته

ربنا يخليكى يامدام زينب ع الكلام الجميل ده وتسلم ايدك بجد وشكرا اوى ع الحكمه والنصيحه الغاليه اوووووى دى ياريت نقدر كلنا نعمل بيها ومش نستسلم لليأس او الفشل او الحزن ومش ندى الفرصه لحد يهدم فينا علشان يعله هو ويوصل

يا جماعة بجد الصداقة الحقيقية المنزهة عن اى غرض اصبحت نااااادرة جداااااااااااااااااااا فى الزمن ده ..احلى حاجة ان الأنسان بكون له صديق اسمعوا كده الكلام ده:

مااجمل ان يكون لديك فى الدنيا انســــــــــــــــــــــــان

يخاف عليك ..... يحــــــــبك


يرعاك ... يشاركك الفرح والسعاده.....والالم

مااجمل ان تندمج ارواحكم معا .....فتصبحوا قلبا وعقلا واحدا

تفرحون معا.... تحزنون معا ...... وتتألمون معــــا



مااجمل ان يكون لديك انســـــــــــــــــــــــــــــــان

يحسن الظن بك ويغفر لك ان اخطأت .... ويلتمس لك العذر ان له اسأت



مااجمل ان يحفظ غيبتك ... ويدافع عنك... ويقطع لسان من يتكلم عليك

مااجمل ان يكون لديك انســـــــــــــــــــــــــــــان


يشدد من ازرك ان ضعفت

ويشجعك ان جبنت...ينصحك ان اخطأت




مااجمل ان يكون لديك انســـــــــــــــــــــــــــان

كاتما للسر............ .حافظا للعهد

وفيا للوعد ............ ....... صادق اللسان والقلب



فاذا كنت تملك هذا الشخص ...... فهنيئا لك به ......... فقد ربحت

فحافظ عليه كعينيك واحمد الله على نعمته عليك

انسان كهذا فى هذا الزمان الذى نعيشه كنز مفقود

اذا وجدته لا تجعله يضيع منك هباءا

ومااجمل ان يكون انســـــــــــــــــــــــــــــــــان فى الدنيا

فعلا يارب نفضل على تواصل بصورة مستمرة
وبعدين الكلام الجميل ده أنا مش هاعرف أقول زيه
فأنا معاكم فى كل كلمة قولتوها
و يارب يكون إجتماعنا دايما يكون إجتماع تعاون على الخير
و يوفقنا جميعا لكل ما يحب و يرضاه

كلام جميل اوى يا مدام زينب وزى ما اولتى يا مدام غاده يا رب نفضل على تواصل مستمر

كلامك حلو اووووووووووووووى يامدام زينيب ربنا يخلينا لبعض وفعلا احمد ربنا ان عندى انسانه زى الانسان اللى بتكلم عنه ده وانتم طبعا عارفنها واتمنى ان اكون ليها زى ماهى ليا بالظبط وربنا يقدرنى واحافظ عليها