ليا...الشرف

بجد ليا الشرف ان اول فضفضه ف منتدى فضفضه تكون ليا عندى كلام كتيرررررررر عايزه افضفض بيه عايزه اقول لصفا انى بحبها اوووووووووى اووووووى وانها غاليه عندى اوى وانى زعلانه ع اى خلاف حصل بينا ف يوم من الايام بس المهم اننا وصلنا لدرجه من التفاهم ف الاخر ناس كتير بتعيش عمرها كله ومش بتعرف توصلها ولا تلاقى حد يشاركها الشعور ده وعايزه كمان اقولها انى ع اد ماانا زعلانه انها هتجوز وتبعد عنى حتى لو سنه بسيطه بس بجد مستنيه فرحها ده كانه فرحى واكتر عشان اخيرا اطمن عليها انها استقرت ولقيت اللى بتتمناه ف حياتها واتمنى اننا نفضل علطول مع بعض وابقا خاله ولادها وان شاء الله تبقا خاله ولادى طول العمر بحبك اوى ياصفا وانتى متاكده من كدا

عايزه كمان افضفض واقول انى ف السنتين دول عرفت ناس كتير وقربت من ناس كتير وبعدت بردو عن ناس بس الاكيد انى استفدت كتير من كل حد عرفته منكرش ان ف ناس مش عرفتها اوى غير ف الفترة الاخيرة وكنت اتمنه اقضى معاهم وقت اكتر من كدا بس ده ان شاء الله هيتعوض ف الايام الجايه سواء هنا ع المنتدى مهو بقا بيتنا او ف الفضفضه وكمان ع الميل المهم اننا عندنا الفرصه اننا نتجمع ولازم مش نضيعها بتمنه لكل اخواتى ف الدبلومه بنات وشباب ان ربنا يوفقهم وننجح كلنا واللى ناوى يكمل ان شاء الله ربنا معاه

فضفضوا براحتكم ع الآخر هاااااااااااااااااااااااااااااااااااااااااانت يا رب تكمل على خير ودايما مع بعض وانتى يا عبير طلعى كل اللى عندك وما تكتميش فى قلبك احسن انتى عارفة تيجى لك على قلبك والا حاجة تبقى مشكلة كبيرة هههههههههههههههههههههههههههههههههههه
اروى ما نقدرش نقولك حاجة تروحى اجازة فى بلدك وترجعى بالسلامة يا رب وتكملى الماجستير ضيفة عزيزة علينا كلنا........ واذا مريتى بمكة طبعا الدعااااااااااااااء أمانة وسلامنا للرسول الكريم أمانة بالأسم الله يخليكى وحشنى جدااااااااااااااااااااااا نفسى اروح تااااااااااااانى يا رب يوعدنا جميعااااااااااااااااااااااااا مرارااااااااااااااااااااااااااا وتكراراااااااااااااااااااااااااااا اللهم آمين
يلا ركزوا فى التربية المقارنة والله المستعان ويوفقنا جميعا يا رب

عبير
انا لسه شايفه كلامك دلوقت انتى عارفه انى مش دخلت المنتدي بقالى يومين
يا حبيبتي ايوه انا متأكده ربنا يخليكي ليه وما يحرمنيش منك وعاوزه اقولك ما تخافيش ماحدش ح يعرف ياخدنا من بعض يا بنتي وانتى عارفه كده
واى خلاف انتى بتقولى عليه حصل زمان ده لاننا كنا لسه مش عرفنا شخصيات بعض وان في حاجات كتير متناقضه بنا لكن خلاص عرفناها واقلمنا نفسنا عليها وبقينا بنحترمها فبعض والحاجات اللى كانت زمان عيوب فينا لما عرفنا بقي اكتر اكتشفت اننا بقينا نعتبرها ميزات
انا بحبك اوى يا عبير والله وعمري ما ح الاقي صديقه وفيه زيك ربنا يخليكي ليه وما يحرمنيش منك يا عسولتى

كمان نسيت اقولك ان في اوقات كتير كان بيبقي ليكي اصحاب وكنتي بتحسي انهم قريبين منك اكتر متي وانا كمان ساعات كنت بحس بكده بس فالاخر ولا حد فدول بقالنا ولا حس بينا وكل واحد مشغول مع نفسه وفي حياته

يا اروي
بكره ترجعي بالف سلامه لبلدك ولاهلك ولاحبابك مع انك خلاص يا بنتي بقينا مننا
ومش حاسه يعني انك فغربه بعيد عن بلدك ولا حاجه بس عامة ترجعي بالسلامه وترجعي تجيلنا تانى بالف سلامه يا عسل

ممكن طلب
ممكن الناس اللي مش مختاره اصول بما انها اعتقد اخر ماده فالناس اللى بتمتحن قبلها ومعانا فالقسم تيجي علشان نشوف بعض اخر يوم يوم الاصول ولا ده طلب صعب انا بجد زعلانه اوى مع انى من زمان مستنيه اخر يوم يجي فالامتحانات علشان اخلص بقي بس دلوقت حاسه انى زعلانه اوى في اقتراح ايه رايكم نعيد الامتحانات من الاول ههههههههههه في ناس ح تقتلني حالا

والله يا اروي ده كلام من قلبي
وسواء انتى كنتى هنا او هناك احنا ح نفضل اصحاب ع طول ان شاء الله
وربنا يديم المعروف والحب بنا ان شاء الله انتى من الناس اللى انا بحبهم فالدفعه وارتبطت بيهم ربنا يوفقك يا رب

ان شاء الله يا صفا نجتمع دايما على خير بس من غير امتحانات وبعدين لو عارفة ان فيه ناس ها تقتلك لو سمحتى بسرعة العنوان وها نريحوكى ع الآخر يا شبة هههههههههههههههههههه
انا باهزر طبعا احنا ان شاء الله ناخد العنوان عشان نيجى نعمل الكحك ونشرب الشربات قريب ان شاء الله وربنا يطمنا عليكى دايما يا قمر وربنا يجعل ايامك كلها افراح وسعادة يا رب

ده انا ليه الشرف ع اسم الموضوع والمحله كلها تنور يا ابله زينب مش شارعنا وبس والناس ممكن تخرج تقابلكم بالاعلام والهتافات عند الشعبيه
بس من غير يا شبه و ح نريحووووووكي دي بالله عليكي احسن انا ركبي سابت وبقيت عامله كده
هههههههههههههههههههههههه

انا اولتها كتير وحاولها تانى بجد انا حبتكم جدا وبالرغم ان اخر ماده ليا يوم 25 وشكلى مش ادخلها ههههههههههه
بس ان شاء الله اجى يوم الاصول عشان حتوحشونى اوى ويارب يا اروى ترجع بلدك بالرغم زى ما صفا الت خدنا عليك وحسنا انك مننا ونتمى انك تكون فى احسن حال ويا ريت فعلا اخر يوم كلنا نتقابل مش عشان نودع بعض لاننا اكيد مش ننسا بعض واتمنى نسال على بعض دايما ونعرف اخبار بعض لكن يعنى نسميها التقاء الاصحاب بعد هدوء العاصفه ( الامتحانات ) طبعا العاصفه لسه شغال معيا لعشره ادعولنا ههههههههههههههههههههههههههههههههه

ونسيت حاجه اوعى يا صفا مش تعزمينا حتى لو وقت الفرح متاخر نجى ابلها بيوم يعنى مش فى حجه ويا رب نفرح بيكم كلكم والى متزوج نفرح باولاده او ها

انا يبقالى حجه لا طبعا الحجج الله اعلم ح تبقي من مين

وطبعا يا وفاء انا يحصلي الشرف وبعدين هو انا ليه مين غيركم اصلا
ربنا يخليكوا ليه

الله يخليك يا صفا وانا اقترح ان استاذ هشام ينظم يوم ابل فرحك بيوم ويكتبه على المنتدى ونتفق على مكان نجمع فيه ونروح واحنا لينا اعز منك يا قمر

رحله الى مدينه المحلة وبرجرام الرحلة هى زيارة جراند بابليون وحضور حفله زفاف الانسة صفا وممكن نخلع من الفرح وناخد جوله ف الجراند ايه رائيكم

ربنا يخليك استاذ بدر على احساس حضرتك الجميل ده وفعلا انت فى بلدك التانى مصر بين اهلك واخواتك

انتوا قاعدين تتاقسموا ع ايه انت وهيه وهيه
عرض فقط ماااااشي يا عبير
التورته عاملالكم القلق ده كله هيه بلاستيك يا جماعه ما تخافوش ح ابقي ادي كل واحد وهو ماشي حتة من البلاستيك دي يفضل يفتكرني بيها

محمد بطل تتوه الناس فأماكن تانيه بلاش حركاتك دي احسنلك بدل ما اجي ادمرلك ارض الانتفاضه اللى انت قاعد فيها دى

وطلعت كمان بلاستيك طب انا مش رضيت افتن كويس انها جت منك