اسألوا عن كل غائب

نتمنا يا هشام انك تكون كويس ويا ريت تطمنا عليك

حمد الله على سلمتك يااروى معلشى مش كنت بدخل نت من زمااااااااان وابقى طمنينى عليكى يا جميل

يارب تكون بخير يااستاذ هشام وتنور المنتدى من تانى

جزاكم الله خيرا جمعيا لكل الناس الى سالوا عليا
معلش ياجماعة كنت تعبانة جدا الفترة الى فاتت والحمد لله اول مابقيت كويسة دخلت بسرعة اطمن عليكم كلكم يارب تكونوا كلكم بخير وحمدا الله على سلامتك يااروى ويارب تكون بخير يااستاذ هشام ونشوف ومشاركتك منورة معانا

الف سلامه عليكى يا قمر وحمد لله على سلامتك

حمدا لله على السلامه يا استاذ هشام وربنا يوفقك ان شاء الله

حمد الله على السلامه كل دى غيبة المهم ان انت نورت المنتدى من تانى والحمد الله ان انت بخير وربنا يوفقك ان شاء الله

حمد الله ع السلامه يا هشام
ربنا يوفقك فكل الدورات دى ان شاء الله
انا عاوزه اسال عن الناس اللى كانت بتدخل ايام الامتحانات كل يوم
وما عدناش بنشوفها نسونا ولا ايه
مستر عبد الله
ابله زينب
ومدام غاده وبقيت الناس راحوااااااااااااا فين
وحشتوني والله

السلام عليكم ورحمة الله وبركاته
الى جميع الزملاء والزميلات
عاملين ايه كلكم يا رب تكونوا بخير جميعا
اعتذر عن عدم المشاركة طول الفترة الماضية كنت مريضة جدااااا الظاهر بعد الأمتحانات الواحد مناعته بتقل مش العكس يظهر اخدنا على الضغط طول الوقت والا ايه؟؟؟؟؟؟ يا رب تكون اجازة سعيدة عليكم جميعا وبالتوفيق والنجاح للجميع
أروى حمد الله ع السلامة وترجعى بالسلامة يا رب ونشوفك على خير
صفا ربنا يخليكى يا حبيبتى على سؤالك وان شاء الله نفرح بيكى عن قريب
استاذة غادة عاملة ايه واحشانى جدا يا رب نتواصل على خير
مروة يا رب نطمن عليكى دايما وشفاك الله وعافااك
هبة عاملة ايه يا حبيبتى ربنا يطمنا عليكى دايما .. عبير طبعا دى عسولة المنتدى وفراشتها الرقيقة طمنينى عليكى
عاوزين نسأل على الأستاذة سهير مش بترد خالص ع الموبيل
استاذ بدر حمدالله ع السلامة استاذ عبدالله يا ريت نشوف مساهماتك قريب
استاذ هشام حمدالله ع السلامة ما تحرمناش من مساهماتك وانجازاتك

الف سلامه عليكى يابله زينب ويارب تكونى بخير دلوقتى

الف سلامة ليكى يابلة زينب ربنا يعافيكى وعايزة اسال عن عبير مش شايفة اى حاجة ليها بقالى كام يوم باين فى خيانة وتصييف ياعبير من ورانا عموما يارب تكونى بخير وتنورينا دايما

الف مليون سلامه عليكي يا قمرنا كلنا
وتسلمي يا رب على كلامك الجميل ده
ما تقلقيش يا مروه عبير مش بتصيف ولا حاجه هيه قاعده عند اختها بقالها اسبوع وح تقعد كمان كام يوم كده بتغير جو كده
عقبالنا بقي لما نغير جو الواحد اتخنق من الجو ده

يا جماعة السؤال ده حق الصديق على صديقه شوفوا الكلام الجميل ده
الصديق المخلص والصديق المنافق

المقارنه بين الصديق الحقيقي والصديق المنافق
كثيرا ما نتعرف على اصدقاء جدد فى حياتنا منهم من يكون صديق حقيقي وفي و مخلص محب لك حبا صادقا
ومنهم من يحبك لمصلحتة ايا كان نوع هذة المصلحة وهذا ما يسمى بالصديق المؤقت او صديق المصلحة فهذا الصديق يصادق مصلحتة ويصادق من يجد معة مصلحتة حيث ان صداقتك بة تنتهى بمجرد انتهاء مصلحتة
وهناك الصديق المنافق الذى يضحك فى وجهك ويمدحك ويتقرب اليك ويتودد اليك وفى نفس الوقت يطعنك فى ظهرك
ولكن كيف نتعرف على كل من الصديق الحقيقي والصديق المنافق
الصديق الحقيقى يشبة الوردة البيضاء فى نقائها وعذوبتها
ويشبة الشجرة فى عمرها الطويل حيث ان الصداقة الحقيقية عمرها طويل كالشجرة
و صفاتة كالتالى
يقدر معنى كلمة الصداقة
يحبك من قلبه وحبة لك حقيقى يظهر فى تصرفاتة
لا يخدعك ولا يغشك
واضح وصريح أمامك و امام الجميع
يدفعك لكل عمل فية مصلحتك ويحب ان يراك فى احسن حال
يقف الى جوارك في اوقات ازمتك
يحزن لحزنك ويسعد لسعادتك
له وجه واحد
يبتسم فى وجهك ويذكرك بكل الخبر فى غيابك
يرد غيبتك ويدافع عنك
يحب للاخرين ما يحب لنفسة
يفعل ما يستطيع من اجل ارضاؤك
ومن اجل ان تستمر صداقتكما
صفاتة الوفاء والحب والاخلاص والتسامح
ومهما اختلفتم وباعدت بينكم الايام تكون صداقتكم اقوى من ان تفرق بينكم اى خلافات وتعودوالصداقتكم مرة اخرى
اما بالنسبة للصديق المنافق
لا يقدرمعنى كلمة الصداقة
فهذة الكلمة بالنسبة لة ماهى الا مجرد كلمة خالية من اى معنى
كالوردة الذابلة لان من المعروف ان الورود عمرها قصير
والصديق المنافق مثل الوردة الذابلة لان عمر صداقتك بة قصير
وصفاتة كالتالى
هو الذي يحبك لمصلحتة
حبة لك ما هو الا مجرد كلام وليس لة اى دليل فى تصرفاتة معك
يضحك في وجهك ويطعنك في ظهرك
يدفعك لكل عمل يضر بمصلحتك ويتمنى ان يراك فى اسوأ حال
غامض و مبهم و لا يفهمة احد
فى وقت الازمة يشاهدك من بعيد وربما يضحك عليك
يسعد لحزنك ويحقد عليك اذا شاهدك سعيدا
يحب لنفسة كل شئ ووسيلتة للوصول لاى شئ هو الخديعة
يضحك فى وجهك ويغتابك فى غيابك
صفاتة الغدر و الخيانة والخداع
مع اول مشكلة حتى ولو تافهه بينكم تنتهى صداقتكم للابد و بدون اى عودة
********************************
وفى النهاية ليس كل الاصدقاء اصدقاء حقيقيين
وليسوا جميعا اصدقاء منافقين
فهناك الصديق المخلص وهناك الصديق الكاذب ومهما اختلط عليك الامر فى اختيار اصدقائك وخدعت فى البعض منهم واعتقدت انهم اصدقاء اوفياء واتضح لك عكس ذلك فان الايام هى التى ستكشف لك كون هذاالصديق مخلص ام كاذب
حقيقي ام مزيف
فمهما حاول الصديق المنافق اخفاء حقيقتة فانها سوف تنكشف يوما وستعرفة على حقيقتة
فان الصديق الحقيقى كالذهب معدن نادر الوجود وقيمتة نفيسة وغالية
حتى وان طلى المعدن الرخيص نفسة بلون الذهب فان هذا الطلاء الذى يعلوة سيزول يوما ليتجلى امام الجميع لونة الحقيقى ومعدنة الرخيص
ولكن يجب ان تنتقى اصدقائك وتتمسك بالصديق الذى معدنة طيب وتبتعد عن كل ما هو خبيث..

انا عاوزه اسأل عن كل اعضاء المنتدي
وبالمناسبه دى احب اغنيلكم اغنية
يا دار يا دار
يا دار قولى يا دار
راحوا فين حبايب الدار
قولى يا دار

الف سلامة ليكى ياعبير ومعلش بقى ربنا يوعدنا ونعرف نصيف فى يوم ونورتينا تانى من جديد

عاوزه اسأل عن اروي وابله زينب ومدام غادة ووفاء وشيري
مش بيدخلوا ليه وفين مساهماتهم
وحشتونااااااا

عاوزه اقولك ما تقلقش خالص يا محمد
النتيجه مش فاضل عليها كتير اوى
والناس بتقلق جدا
ولما بيقلقوا ح يدخلوا المنتدي يطمنوا
وح نلاقي اعضاء كتيييييير موجودين
ههههههههههه