إيه نظام امتحان الانجليزي للدبلوم الخاص؟

عدد الرسائل : 49 تاريخ التسجيل : 12/04/2009

السلام عليكم ورحمة الله وبركاته
ياريت اللي يعرف نظام امتحان الانجليزي للدبلوم الخاص يعرفنا ,
والامتحان عباره عن ايه هل هو مرتبط بالتخصص ولا لأ؟
وهل بيكون امتحان عللى ورق ولا على الكمبيوتر؟
هل الامتحان ده على مستوى ولا مجرد امتحان روتيني؟
أصلي سمعت ان كله بينجح ، هل الكلام ده صحيح؟
هل الامتحان له معاد محدد ولا مفتوح؟ سمعت انه مفتوح بس في فتره محدده .الكلام ده صحيح ولا لأ ؟

بوجه الدعوه للمساعده دي إلى كل من درس دبلوم خاص تكنولوجيا تعلبم ولكل من درس دبلوم خاص لو كان الامتحان عام على التخصصات كلها .

محدش يعرف الامتحان امتى ؟

عدد الرسائل : 364 تاريخ التسجيل : 15/12/2008

وعليكم السلام ازيك نها مش تقلقى خالص من الامتحان ده بيبقا كل التخصصات مع بعض والمفروض تسالى ف الكليه ع المعاد والامتحان بيبقا سهل نوعا ما للى عنده خلفيه عن الانجليزى عباره عن قطعه كام سطر كدا وتحتها بيبقا حوالى 5 اسئله وع فكرة تخصص اللغه الانجليزيه معفين من الامتحان ده سواء اساسى او عام والامتحان بيبقا وقت محدد لكن طبعا الامتحان بيخلص قبل الوقت ده بكتير انتى مجرد بتاخدى الورقه مش بتكمل معاكى 10 دقايق وبتسلميها وتقومى ومش بيبقا مراقبين وشده وكدا يعنى مش تقلقى وكمان الكلام مسموح

عدد الرسائل : 195 تاريخ التسجيل : 06/02/2009

فعلاً كما قالت عبير عن الامتحان قطعة وأسئلة عليها ، وأيضاً ترجمة إلى العربية .
فهو مجرد امتحان روتينى .
وممكن لو فات موعد الامتحان بالنسبة للمتقدمين فى الباب الأول يجوز امتحانهم فى الباب الثانى .
لكن من الأفضل متابعة الميعاد المحدد من خلال الكلية للاطمئنان .
وبدأ السنة بدون قلق وخلط .
ربنا معاكِ يا نها والجميع إن شاء الله .
إيه نظام امتحان الانجليزي للدبلوم الخاص؟ Icon_cheers

عدد الرسائل : 49 تاريخ التسجيل : 12/04/2009

[center]ميرسي أوي يا يا عبير انتي وشيري على اهتمامكم بالموضوع
بجد طمئنتوني يارب يطمئنكم ويكرمكم ويوفقكم
وربنا معاكم انتم كمان
ياترى قدمتم على الماجستير ولا لسه
بالنسبة للمواد الاختياري أنا استقريت على اختيار تربيه مقارنه ، بس لسه محتاره في الماده التانيه مش عارفه أختار أصول تربيه ولا ألعاب تربويه ممكن تساعدوني وتقولولي مميزات وعيوب المادتين .
إيه نظام امتحان الانجليزي للدبلوم الخاص؟ Mb255285

إيه نظام امتحان الانجليزي للدبلوم الخاص؟ Mb255285

عدد الرسائل : 195 تاريخ التسجيل : 06/02/2009

شكراً كثيراً لكِ على هذه الزهور الجميلة
بالنسبة للمواد الاختيارية
الألعاب التربوية : د . محمد قنديل
فقد كنت أخذها مع تربية مقارنة
بعد شراء الكتاب يوجد بحث عبارة عن رسم بسيط يوجد فى الكتاب وأيضاً المعيدات بقسم إن شاء الله ستساعدكم فى كيفية الحل ويتم تسليمه قبل الامتحان ، والحضور يكون متأخر وأخذ الغياب ليس دائماً ، ولكن تحتاج تركيز فى المذاكرة و الامتحان الشفوى
أما بالنسبة للأصول التربوية :
فقد كنت أسمع أن الحضور دائماً فى جميع المحاضرات ، ولا أعلم أكثر من ذلك
فكرِ جيداً و خذِ المادة التى سوف تميلِ لها
فى النهاية أدعو الله لكِ والجميع بالنجاح والتوفيق
إن شاء الله

عدد الرسائل : 44 تاريخ التسجيل : 12/04/2009

عدد الرسائل : 364 تاريخ التسجيل : 15/12/2008

بصى يانها انا بقا عكس شيرى انا كنت وخده اصول مع دكتور محى عبدالمنعم هى الماده كويسه وكنا شغالين فيها طول السنه ومكنش فيها ابحاث ولا اى شىء والمحاضرة كانت بتبقا عباره عن مناقشه مفتوحه بينا وبين الدكتور وكان بيقسم الجزء ع عناوين يعنى بصراحه مش تعبتنا طول السنه حتى الغياب كان مسموح بس احنا من نفسنا كنا بنحضر لاننا كنا بنستمتع بالمحاضرة وبنستفيد لكن ف النهايه فوجئنا بالامتحان والمفاجاه الكبرى كانت ف التقديرات وان ناس كتير شيلنها فبصراحه انا معرفش ليه

عدد الرسائل : 364 تاريخ التسجيل : 15/12/2008

اما بقا بالنسبه للالعاب التربويه كنت اسمع وده ع السمع انها ماده خفيفه وتبع قسم رياض اطفال وان التقديرات بتاعتها كانت كويسه من غير بذل مجهود كبير فيها والله اعلم بقا اديكى عرفتى دى ودى ظروفهم ايه بس طبعا كلامنا ده مش مقياس لان ممكن الدكاترة تتغير او ممكن مزاج الدكتور نفسه من سنه لسنه تتغير فربنا معاكم ويكون حظكم احسن من حظنا ان شاء الله

عدد الرسائل : 44 تاريخ التسجيل : 12/04/2009

للاسف ياعبير انا روحت الكلية مع نها واتفجئنا ان الاقسام دى اكتفت ومكنش ناقص غير مادة اصول تربية واقتصاديات التعليم وسيكولوجية الشخصية وسيكولوجية التعليم وتعديل السلوك وادارة تعليمية بس باقى المواد اكتفت بالعدد واحنا مكناش نعرف كدة وكنا عايزين ناخد اصول وتربية مقارنة عشان احنا وخدنهم فى الكلية فى سنة رابعة بس مكنش قدمنا اختيار
اختارنا اصول تربية وسيكولوجية التعليم مع انها مادة رخمة كنا درسنها بردة

بس ان شاء الله خير معلش دة حال الكلية بيعتنا

إيه نظام امتحان الانجليزي للدبلوم الخاص؟ 6cfyn9c

عدد الرسائل : 44 تاريخ التسجيل : 12/04/2009

لو سمحت ياجماعة فى حد يعرف مادة سيكولوجية التعليم وتعديل السلوك كانت عاملة اية ومين كان بيديها وتقديرتها كانت اية
اصل احنا اختارنها غصبن عننا مكنش قدمنا أى اختيارلانها اللى كانت لسة ممتلتش
مش عارفة اية النظام الغريب دة
وعلى العموم امتحان الانجليزى يوم
10/22

انا معرفش عنها حاجه
انا اللى اعرفهم العاب ومقارنه
بس اعرف انا ف دخول الدراسه ممكن
تعمل تحويل ف المواد الاختياريه بس اكيد طبعا
تروح لوحدك عشان الموظف ما يتخنقش منك وتكلم بلطف
لو فى تغير اختار العاب ومقارنه وف ماده زى المقارنه اسمها
اداره اسمع انها حلوة زى المقارنه وتابعه لقسم مقارنه
يعنى ما ينفعش تختار مقارنه واداره تعليميه

عدد الرسائل : 364 تاريخ التسجيل : 15/12/2008

فعلا يامحمد انا بردو اسمع ان ماده ادارة تعليميه كويسه احسن من الباقيين ياريت اللى لسه هيختار ياخدها مع اصول التربيه احسن من السيكولوجيات دى انا بصراحه معرفهاش بس حاسه باسمها كدا انها وجع قلب ودماغ المهم ربنا معاكم ولو عرفتم تغيروا ف بدايه الدراسه اوك معرفتوش يبقا خلاص قدر الله وماشاء فعل

عدد الرسائل : 44 تاريخ التسجيل : 12/04/2009

معرفش ياعبير هو فى تحويل ولا لا أصل السنة دى غير اللى فاتت عشان عاملين كل قسم بعدد معين واللى كتب الاول خلاص واحنا مكناش نعرف انة بعدد معين عشان نكتب الرغبات من بدرى بس احنا روحنا بعد ما ورقة المواد الاختيارى نزلت بيومين بس انا عرفت ان الاقسام دى اتحجزت من الدبلوم العام
وحتى سالت انة لما ينفتح التقديم مرة تانية للخاص هيختاروا اية قالوا مش هيختاروا حاجة هيكونوا مجبورين على اخر مادتين

عدد الرسائل : 364 تاريخ التسجيل : 15/12/2008

اة ياهبه فهمت ع العموم ربنا معاكم وان شاء الله كل حاجه تعدى ع خير وشويه مجهود وتركيز ربنا هيكرمكم ان شاء الله