جزاكم الله خير حد يرد على استفسار مهم جدا في حياتي

عدد الرسائل : 4 تاريخ التسجيل : 17/02/2010

اخواني منسوبي جامعة طنطا
السلام عليكم ورحمة الله وبركاته
مشكورين بصراحة على المجهود الجميل اللي عملينه في المنتدي وده إن دل فإنما يدل على الفكر الراقي اللي أصبح الطلاب فيه في مصر.
استفساري مهم جدا يا اخوان واللي هيرد عليا هدعيله عند الحبيب صلى الله عليه وسلم
أنا خريج تربية نوعية منوفية عام 2000
حصلت على دبلوم مهني في تكنولوجيا التعليم كلية التربية جامعة المنوفية 2003 بتقدير جيد
أنا الآن أعمل معلم حاسب آلي بالمدينة المنورة بالمملكة العربية السعودية
وبستفسر هل يمكن اني أسجل في الدبلوم الخاص قسم تكنولوجيا تعليم ولا خلاص الموضوع راح عليا ولازم أبدأ من جديد
أرجو سرعة الرد لو أحد يسألي في شئون الدراسات العليا هل فيه امكانية بعد ما عدى سبعة سنوات على الدبلوم المهني ممكن أتقدم للدبلوم الخاص
والله اللي هيرد عليا هدعيله عند الحبيب صلى الله عليه وسلم

[img][/img]

عدد الرسائل : 44 تاريخ التسجيل : 12/04/2009

متهيقلى اة ممكن عادى
مدام حضرتك اخذت شهادة الدبلوم المهنى
بس دلوقتى التقديم انتهى
ممكن تقدم السنة اللى جاية
هو عموما التقديم اكتر من مرة بيفتحوة خلال اجازة الصيف
وربنا يوفق الجميع

عدد الرسائل : 4 تاريخ التسجيل : 17/02/2010

الأخت هبه
جزاك الله كل الخير على ردك على موضوعي لكن هل كلامك بأنه عادي ممكن أتقدم عن علم وسؤال في شئون الطلاب ولا من عندك بتقولي أرجو الرد
وهناك سؤال آخر الله يسلم حالك ويكرمك إن شاء الله
هل ممكن أتقدم للدبلوم الخاص وأنا هنا في الخارج ولا لابد من الحضور
أرجو الاجابة هل يمكن إستثناء الحضور للمسافرين وأتواصل إلكترونيا مع الدكاتره

عدد الرسائل : 23 تاريخ التسجيل : 09/01/2009

ممكن تقدم ما فيش مشكله لانى قدمت بعد مرور سنوات

عدد الرسائل : 4 تاريخ التسجيل : 17/02/2010

الأخت تاتو
السلام عليكم ورحمة الله وبركاته
أشكر لك ردك على موضوعي وعلمت من خلال تجولي في المنتدى أنك مسافره فهل سؤالي عن امكانية التقدم للدبلومه وأخذها وأنا مسافر له رد عندك.
لأن عملي بالمدينة المنورة يمنعنى من الحضور كثيرا بمصر لحضور المحاضرات لكن في امكاني أخذ اجازات لحضور الاختبارات.
هل الكلام ده ينفع وأنا بحلم بحاجة مستحيله.

وجزاك الله خير الجزاء وجعل عملك في ميزان حسناتك إن شاء الله

عدد الرسائل : 4 تاريخ التسجيل : 13/09/2009

اخي الفاضل
انا كنت بكالوريوس علوم ثم حصلت علي دبلوم عام سنة 2000
ثم قدمت اوراقي العام الماضي وحصلت علي الدبلوم الخاص 2009
يعني البعد الزمني غير هام المهم الحصول علي الدبلوم المهني او العام
اما بالنسبه للدراسه بدون حضور اعتقد انه يحتاج مقابلة مع الدكاتره لمعرفة هل هناك مراعاه ام لا
مع العلم ان هناك طلاب من الدول العربيه يحضرون مره واحده لمعرفة المنهج ثم الامتحان هذا والله اعلم
وفقك الله

عدد الرسائل : 4 تاريخ التسجيل : 17/02/2010

أشكرك اخت دعاء على ردك
الذي طمأنني كثيرا، وعلى رأي المثل اللي بيقول (اسأل مجرب ولا تسأل طبيب) وطالما انتي عملتي كده يبقى فيه امكانية ان شاء الله ,,,,, ربنا يبشرك بكل الخير ،،، قولي آمين.

عدد الرسائل : 23 تاريخ التسجيل : 09/01/2009

الاخ مصطفى معلش اتاخرت عليك فى الرد بس والله الظروف مش بتسمح باستمرار ان شاء الله قدم اوراقك عادى ومتختش فى بالك زى ما قلت لك سابق والله فيه ناس كانت معانا ما شفوناها غير فى الامتحانات ونجحت واخدت الدبلوم توكل على الله ومتخفش ودا كله نصيب وممكن تحضر كل المحاضرات وربنا مش يوفقك وممكن مش تحضر ولا محاضره وتنجح كله توفيق من الله اهم شىء هات الكتب واعرف الابحاث وقدم شغلك صح وذاكر وتوكل على الله واذا تحب تسال عن اى شىء اخر تحت امرك فى وقت